جريدة السلام أخبار القرن الإفريقي
بقلم:دكتور سهيل اليماني
ياقات مالك ومالي أبعد بعيد عن قبالي
اخذت وقتي ومالي اخذت لقمة عياالي
ياقات يابواالمصايب سحرت شابا وشااايب
الكل يحمل غلايب يدفع الوف مايبالي
كم ناس يحرم عياله الفاكهه والجعااله
ويسير يخزن لحاله ولا احد له موالي
كم ناس ساعات يخزن يضع الوقت والسن
وبعد خثلك يطنن يسهر بطول الليالي
كم ناس يصرف معاشه ويعيش فقير في هشاشه
ويبيع لااجلك فراشه وغرفته والزواالي
كم ناس يضيع كل دخله) في قات ضلاعي وذحله
من كل شي يحرم اهله ويبيع زين النصالي
كم ناس يشقي ويكدح ليله نهاره ولا ارتاح
وكلما حصله رااح من اجل ربطه قفالي
ماحصله للمقوت دايم ولا يوم يفوت
لوماحصل قات يصوت ) فوق المره ولعيالي
لو يوم ماحصل القات ينوم في الليل خوات
يشوف في القبرالاموات) يجيه رازم رجالي
كم ناس يقطع صلاته في الفجر اوفي مساته
يتكاثرين سيئاته ولا يخاف ذا الجلالي
ياقات روح من طريقي )نشفت دمي وريقي
وزدت فيني حريقي بذلت لك كل غالي
ياقات انا فيك هايم )وانت قاسي وظاالم
مايا كلوك البهايم ولا الجمال والبغالي
شغلت كامل حواسي ومنك قدشاب راسي
والنوم طار والنعاسي تفكير في جو خالي
في الليل نبني مشاريع ونقطع الارض تقطيع
والصبح مثل المصاريع كله حدث بالخيالي
ياقات مالك ومالي اخذت حالي وماالي
ضيعت مني الريالي ياقات مالك ومالي
(ياقات مالك ومااالي)
سؤال للمخزنيين فقط :
هل القات سلوة ام بلوة ؟
كل يجيب عن نفسه .
لكم مني مليون تحية، و دمتم في أوفر صحة وعافية
